തൃശൂർ: മുകേഷിൻ്റെ പീഡന കേസ് കൈകാര്യം ചെയ്യുന്നത് സിപിഎം നേതാവിൻ്റെ മകളായ ജഡ്ജിയെന്ന് ആരോപണമുയർത്തി മുൻ എംഎൽഎയും കോൺഗ്രസ് നേതാവുമായ അനിൽ അക്കരെ. മുകേഷിനെതിരെയുള്ള കേസ് കൈകാര്യം ചെയ്യുന്ന കോടതി മാറ്റണമെന്നും അനിൽ അക്കരെ ആവശ്യപ്പെട്ടു.അനിലിൻ്റെ ഫേസ്ബുക്ക് അക്കൗണ്ടിലാണ് ഗുരുതരമായ ആരോപണം ഉന്നയിച്ചിട്ടുള്ളത്. മാധ്യമ പ്രവർത്തകരെ ആക്രമിച്ചതിന് സിനിമാ നടൻ സുരേഷ് ഗോപിക്കെതിരെ പരാതിയുമായി പൊലീസിനെ സമീപിച്ച അനിൽ അക്കരെ ഇപ്പോൾ മുകേഷിൻ്റെ പീഡന കേസിൽ നടക്കുന്ന അട്ടിമറികളെ കുറിച്ച് തത്സമയം പുറത്തു കൊണ്ടുവന്ന് ശ്രദ്ധ നേടുകയാണ്.
അനിൽ അക്കരെയുടെ എഫ്ബി പോസ്ടിങ്ങ് ചുവടെ:
/എറണാകുളത്ത് നടിയെ ആക്രമിച്ച കേസിൽ ഏറ്റവും പ്രധാനപെട്ട തെളിവായ മെമ്മറി കാർഡ് അടക്കം നഷ്ടപെട്ട വിഷയത്തിൽ ആരോപണ വിധേയമായ എറണാകുളം സെഷൻസ് കോടതിയിലെ ജഡ്ജ് ഹണി എം വർഗ്ഗീസ് ആണ് ഇപ്പോൾ
മുകേഷ് എം എൽ എ ക്കെതിരായ ലൈംഗിക പീഡനകേസിൽ പ്രതിയുടെ മുൻകൂർ ഹർജി പരിഗണിക്കുന്നതും പ്രതിക്കനുകൂലമായി ഇടക്കാല വിധി പുറപ്പടിവിപ്പിച്ചതും.
സിപിഎം തൃശ്ശൂർ ജില്ലാ സെക്രട്ടറി എം എം വർഗ്ഗസിന്റെ മകളും പണഞ്ചേരി ഗ്രാമപഞ്ചായത്തിൽ സിപിഎംസ്ഥാനാർത്ഥിയുമായിരുന്ന ഹണി എം വർഗ്ഗീസ് എന്ന
ഈ ജഡ്ജ് ഈ കേസിൽ വാദം കേൾക്കുന്നതും വിധിപറയുന്നതും നീതിപൂർവ്വമാകില്ല.
ഈ കേസിന്റെ പ്രത്യേക സാഹചര്യം കണക്കിലെടുത്ത്
മുകേഷ് എം എൽ എ യുടെ മുൻകൂർ ജ്യാമ്യഹർജി പരിഗണിക്കുന്നത് മറ്റൊരു കോടതിയിലേക്ക് മാറ്റണം./
Anil Akare said that Mukesh's molestation case is being handled by a judge who is the daughter of a CPM leader.
